Îro koçberên Kurd li Elmanya piştî koçberên Tirk, civaka duyemîn ya herî mezin ya biyaniyan e. Hijmara wan ji mîlyonek û du sed hezar kesan zêdetir e. Wekî mirhov Elmanya bi dewletên parker re dide ber hev, kare bêje ku Elmanya warek e, ya ku Kurd jiyaneke azad dibûrênin.
Her çikas ji aliyên gelek kesan ve nehatibe dîtîn jî, di salên 2000an ve hebûna Kurd li Elmanya cihê xwe bi xwe afirand. Hem ji aliyê binyadî, hem entegrasyonî hem jî di ramana pêşerojî de koçberên Kurd runiştîn.
Kurdan berî Şerê Cîhanê Yê Yekemîn li Ewropa sazî avakirine. Ev jî dide xwiyakirin ku hijmarek gir ya Kurdan wê demê li Ewropa hebûn. Em karin bandora Ewropa, bi gotineke din, bandora modernîzma rojava, di nav Kurdan de di sedsala 18 û 19an de peyt bikin, em karin bêjin, ku bandoreke guherandina civakî bi afirêne, mixabin ne derketiye holê.
Gelo potensiyala diyaspora Kurd çi ye? Xalên di bersiva vê pirsê de tên guftûgokirin, heman demî ji bona diyasporayên din yên cîhanê derbasdar in.
Rewşa ku li ser jiyana Kurdên diyaspora û yên ne diyaspora bandoreke bingehîn dilîze, rewşa bêdewletbûnê ye. Bêdewletbûn determinanta bingehîn ya rewşa civaka Kurd ya îro ye. Diyaspora Kurd jî encamek bêdewletbûna Kurd e.